Қазақ руға бөлінбейді, қазақ рудан құралады…

2
3277

Қазақ руға бөлінбейді, қазақ рудан құралады...

Бүгін «Радиоточка» сайтындағы қазақ қоғамындағы рулардың рөлі туралы талқыға қатысып қайттым.

Талқыдан шыққан соң миға мынадай бір аналогия келді.
Рудан қорқудың, үркудің қажеті жоқ. Ру – қазақ болмысының бір бөлігі. Қандағы қанттың мөлшері сияқты дүние. Қантсыз қан болмайды. Мүмкін емес.
Қант жеткіліксіз болса адам ағзасындағы заттар айырбасы нашарлап, жүрек ауруларына соқтырады, мидың қоректенуі нашарлап, адам жиі есінен танып, тіпті комаға кетіп жатады.
Қант мөлшері тым көп болып кетсе, бұл қатерлі ауруларға, әсіресе диабетке апарып соқтырады. Адам ағзасы дұрыс жұмыс істемей, ішінен шіри бастайды. Аздық та, көптік те адам өліміне апаруы мүмкін.
Яғни, руымызды, жеті атамызды білу міндет. Бірақ оны міндетсінуге жол жоқ. Руын, тарихын білмеген адамның толыққанды қазақ болуы екіталай. Себебі жан-дүниеңнің үлкен бір бөлігін білмеу, түсінбеу, оған тиісті мән бермеу трагедия, рухани өлім, мәңгүрттік.
Қазақ руға бөлінбейді, қазақ рудан құралады. Ру тарихы – қазақ тарихының құрамдас бөлігі. Оны зерттеу, білу бөлінуге емес, бірігуге итермелеуі тиіс. Себебі ру о бастан бөліну үшін емес, бірігу үшін құралған қоғамдық институт. Оны қазақтың ішіне іріткі салу үшін зерттеп, біліп жүргендер қазақ ұлтының да, өз руының да жауы, кеще, надандар.
Яғни қоғамымыз қашан да ағзадағы «қанттың мөлшерін» реттеп отыруы керек. Осы мәселемен айналысып жүрген әрбір азаматтың құлағы түрік, көкірегі ояу болуы тиіс. Рудың қазақ тарихы мен болмысындағы рөлін төмендетуге де болмайды, оны абсолюттендіруге де болмайды. Алтын ортамен жүріп өту қажет.

Айдос Сарым
Facebook-тегі парақшасынан

2 ПІКІРЛЕР

  1. Руды айтпаңдаршы осы менде қазақпын пайдасы қанша жұмысқа тұрсаң руды сұрайды бөлінеді. ЕГЕР БІЗДІҢ ҚАНЫМЫЗ ТАЗА АУРУҒА БИІМ АҚЫЛДЫ БОЛСАҚ НЕГЕ? АЗ ӨМІР СҮРЕМІЗ АҚЫЛДЫ БОЛСАҚ НЕГЕ ДАМЫП БІРДЕҢЕ ӨНДІРІП ШЫҒАРМАЙМЫЗ… қайта басқа ұлтты қазаққа айналдыратын асимиляция жасап империя болмаймыз ба санымызда аз..

  2. Өте дұрыс айтасың, Айдос батыр!

    Руға, жүзге бөлу гендік, өмірлік қажеттіліктен туындаған нәрсе. Жақындарымен қан алмасудың әсерінен қаншама ұлыстар мен мемлекеттер жер бетінен жойылып кеткен. Бұл жүйені Бабаларымыз еріккеннен таңдаған жоқ! Бізді, яғни қазақтарды талантты да, батыр халық есебінде жер бетінде сақтап қалған осы «Рулық – 7 Ата қан тазалығы» жүйесі. Қазір осындай қан тазалығын сақтамаушылық әсерлерінен пайда болған гендік кереғарлықтан еркектердің «қызтекелік» (гомосексуализм) ауруы, әйелдердің әйелдерге асылуы сияқты «қарлық» (лесбянство) аурулары әлемде қаптап барады. Бұл азғынданудың ең сорақылығы, соңғы сатысы адамзат баласын ақырзаманға әкеледі…
    Үйлену, үй болу барысында «Рулық,яғни 7 Ата қан тазалығын» сақтау жүйесі біле білгенге адамдықтың биік шыңы – Тектіліктің белгісі! Біздің халық бұл Бабалар салған жолдан ешқашанда ауытқымағаны абзал!
    Бірақ руына қарап, аса маңызды Елдік мүддені көзделуге тиісті мемлекеттік қызметке болмайтын біреулерді таңдап, тағайындау ол нағыз надандардың ісі. Мемлекеттік қызметке, Елдің мүддесі қорғалатын аса жауапты қызметтерге нағыз патриот, білімді де, білікті, мықты кәсіпқой азаматтар келуі керек! «Ел боламын десең, бесігіңді түзе!» – деген нақылдың анықтамасы осы, ағайын!

Пікір жазу

Пікіріңізді енгізіңіз!
мұнда сіздің атыңызды енгізіңіз