АБАЙҒА АБАЙ БОЛАЙЫҚ…

4
3002

Халық арасында «Ақ Берік» аталған Берік Әбдуалиевті алыңыз, қазір қайда? Өзінің таза жүрегімен тәуелсіздік жолында еңбек етіп, халықтың жүрегіне жол тапқан… Ерлан Қарин қайда?… Азат Перуашев деген азамат бар… Азаттың әр сөзінен ұлтжандылығы білініп тұрады… Өзі ақын екен… Жүрегі Алаш ұрпағы деп соғады… Олардың атқарып жүрген қызметтері, партиялық мансаптары бар шығар… Бірақ, олардың «креативтік» ойларын қоғамда пайдаланып жүрміз бе? Жоқ…

 

…Тәуелсіздіктің босағасын аттаған жылдары Абайға кір жағуға ұмтылдық. «Абай арақ ішті» «Абай наркоман»… деп сенсация қуып кеткендердің «имиджі» тауға өрмелеп, бірден классиктердің қатарына қосылды…
Бірақ тез өшті… Уақыттың тезіне шыдай алмай өшкен сияқты… Адам баласының азғын ойы әр дәуірде бас көтереді… ХХІ ғасырдың он жылдығы өткен кезде… Енді «Абай кім менің жанымда…» деп, тіпті, Мухаммед пайғамбарға тіл тигізетіндер шықты… Абай дәл қол жаулығындай «Бір бірлестік» құрып алып… «Сендер Абайды сыйламайсыңдар, маған ақша бермейсіңдер, мені күтіп алмайсыңдар» деген адамдар шықты… Әлде бір мекеменің бір бұрышын алып, жалғыз адам Абайға ие болады деген ақылға сыймайды. Әрине, адал ниетін аяқ асты етуге болмас… Абайға қатысты шаруаның бәрін мемлекет қадағалап…мемлекет қаржыландырғаны дұрыс емес пе…
Абайды қорлап сөйлеген адамдар «Қазақтың қара шалы боп» шыға келді… Оларға ескерту айтқан адам иттің етінен жаман болғаны да шындық.Тіпті ортаң қол, қарапайым өлең құрай алатындар «Абай ақын ба?» деп кеудесін соқса… Алжыған шалдардың бірі адам ұғып болмайтын тіркестерді, адам ұғып болмайтын өлеңсымақ жолдарды көгендеген «түсініксіз ақындарды» «Енді бұндай ақын туа ма тумай ма, бұл – Абайдан артық» деп көпірді…
Қарапайым адамдар таңдай қағысты.
Абай бір сәтке тасада қалып, халтурщиктер көпшіліктің алдына шықты…
Ию-қию өмір басталды…
Біреулері Абайдың туа салып жанында май шам ұстап жүргендей, Абай туралы анекдотқа толы кітап жазып, ғылыми атақ алды… Бас оқулық жасауға ұмтылды… Қайран, Шәкәрім атамыз «Шын залымға берме құдай ғылымды» деген ұлағатты сөзі «коорупцияның» аяғының астында қалды… Тәуелсіздіктің алғашқы жылдары Шерхан Мұртаза ағамыз «Бізде ғылым жоқ» деп жанашырлықпен айтып еді «мини юбка кигендер «ағамыздың жағасына қолдары жетпесін біліп, балағына жармасты» Өйткені, олардың артында топастар тұр еді…
…Қызық …Абайға атасының кегі кеткендей өштескен…ұрпақ қалыптасты… Білім саласында әсіресе көп… Әйтпесе, министр Саранжіпов Абайға «күйе жаққысы келген оқулықтың» ғылыми атағын сыпырып алуға шамасы жете ме әрине, жетеді. Бірақ,оны ойлап жүрген Министр жоқ сияқты… Өйткені, тәуелсіздік алғаннан бері бізде оқулық жөніндегі дау-дамай көп. Сөз көп, нәтиже жоқтың қасы…
Абай жалғыз.
Әркім Абайды өзінше тануы заңдылық… Өйткені, ол тас құдай емес. Ол біз сияқты ет пен сүйектен жаратылған… Құнанбай қажының баласы… Шәкәрімнің ағасы… Ол Қазақ халқының ұлттық брендін қалыптастырушы… Әлемнің ойшыл Абайы…
… «Сен саясатпен шұғылданбасаң, саясат сенімен шұғылданады» деген КПСС-тің кекесінді сөзі бар еді… Қазір енді «Путинді жақсы көрмесең, Путин әкеңді танытады» деп айтамыз ба… Біз «көшеде ит өліп жатса…» Назарбаев көкеміз неге алып тастамайды? -деген бұлдану саясатына жетіп қалдық… Сол итті « өзіміз алып тастауға ерінеміз… Мойнымыз жар бермейді… Бізде керемет ақсақалдарымыз, білімді ағаларымыз, жаңашыл жастарымыз көп… Тіпті, коорупцияның атын атағысы келмей «жиіркенетін» азаматтар көп… Шіркін, соларға жол берсе… Жолдарына бөгет болмаса… Осы елін сүйген азаматтардың жолына бөгет болмасақ қой…
Баяғыда 97 жас жасап, өмірден өткен Кеңесбай атам қазақтың бір сөзін өмірінің соңында жиі айтатын еді «Жақсының жолын кеспе, одан жаманның жолы ұзармайды» деп…
Саясатта менің шаруам жоқ… Бірақ… Осы «бірақ» қой… Мысалы, тәуелсіздік алғаннан бері керемет кадрлар институты қалыптасып келе жатыр еді… Дамымай қалды… Халық арасында «Ақ Берік» аталған Берік Әбдуалиевті алыңыз, қазір қайда? Өзінің таза жүрегімен тәуелсіздік жолында еңбек етіп, халықтың жүрегіне жол тапқан… Ерлан Қарин қайда?… Азат Перуашев деген азамат бар… Азаттың әр сөзінен ұлтжандылығы білініп тұрады… Өзі ақын екен… Жүрегі Алаш ұрпағы деп соғады… Олардың атқарып жүрген қызметтері, партиялық мансаптары бар шығар… Бірақ, олардың «креативтік» ойларын қоғамда пайдаланып жүрміз бе? Жоқ… Бұлар сияқты жүздеген азамат бар… Ұрпақтың ойын кері тартатын сөзді қою керек. Айдос Сарымды «демократияны дамыту университетіне басшы ғып қойсақ» ұтпасақ, ұтылмаймыз. Қазақты ойлайтын бір азамат болса, осы Айдос бауырымдай-ақ болсын… Олардың жолына бөгет жасайтындар Абайды оқымағандар … Абайды түсінбейтіндер… Бізге залал Абайды оқымағаннан, танымағаннан, білгісі келмегеннен келеді…
…Бізде «ЭКСПО» ашылады… Құптарлық… Осының аясында Абайды Көкбайрақты туымыздан кейін насихаттарауға бола ма? Меніңше, болады… Әлемдік қағида бойынша мемлекеттік Ту екі жағдайда көтеріледі… Елбасының басқа елге мемлекеттік сапарында…
Спортшылардың жеңіске жеткенінде, Ту көтеріледі… Бұл, әрине, мақтаныш… Ал, Абай күндерін өткізгенде Ту көтерсек, оған кім қой дейді? Бұның еш сөкеттігі…жоқ қой…
Астанада Ұлттық кітапхана ақын-жазушылардың кіші отанына айналды… Қазір ол мекемеге іскер, білімді басшы келген сияқты… Олай дейтінім, «ТӘЖ» деп аталатын жастардың әдеби бірлестігі құрылуы, оны жас классик ақын Ерлан Жүнісов бауырымыздың «екі тізгін, бір шылбырды» ұстауы жаңа басшының заман ығына қарай түсіністікпен қарауы әрі болашаққа деген үлкен сенімі деп білемін… Бұл – Абай ізбасарларына деген құрмет.
…Иә, айта берсе сөз көп…Идея одан да көп… Абай атам менің, бәріміздің бабамыз… Тек, Абайға абай болайық!
Сіздер қалай ойлайсыздар, саналы оқырмандар?
Тәуелсіз елдің азаматтары…

Талғат Кеңесбаев
СЕМЕЙ
14.12.2014. 23:45

qazaquni.kz

4 ПІКІРЛЕР

  1. Ақындарға

    Абай тұр,абай бол деп ақындарым,
    Болмаса қалам алма бойда дарын.
    Сұлу сөз, әсем ойды тәрік етпе,
    Дақ сенсіз, қараң қалса, қараң қалсын!
    Әбіжан Омарқұлов
    17. 06. 1994 жыл.
    Заман азса азар-ау,
    Шапан тозса тозар-ау.
    Ақын жыры азбайды,
    Ақын сөзі тозбайды.
    Оятып ой мен сананы,
    Жүректі тербеп қозғайды.
    Жақсыны айтып жақсы деп,
    Жамады айтып жаман деп,
    Бүкпесіз ойын ақтарып
    Әділдікті толғайды.
    Ондай мінез болмас,
    Ақын ақын болмайды.
    Абайды жамандайтындар, «бастан» кеткендер ғой.Талғат Кеңесбаев інім, оларға өкпелеме. Ойың орынды.
    Өзіміз жаза алмасақ, Жазғанды жамандасақ.Ұлы іздеп ұлыймыз ба, Көктегі айға қарап.Аш құрсақ қасқыр көңіл, Ұқпаймын немен тынбақ.

  2. АБАЙ КУНАНБАЕВТЫ БУКИЛ КАЗАК ЕЛИ КУРЫМЕТТЕП БОЛАШАК УРПАККА УЛГИ ЕТУ КЕРЕК.ОСЫНДАЙ УЛЫ КИСИЛЕРДИ БОЛАШАК УРПАККА УЛГИ ЕТИП КОШЕЛЕРГЕ ОКУ ОРЫНДАРЫНА ЕСИМДЕРИН БЕРИП КУРМЕТТЕУ КЕРЕК.

  3. Абайга абай болу- ар казактын мiндетi. Эр казак Абайды колынан келгенше кастерлей, кадiрлей бiлiп, шамасынша шаруа жасап, улынын улагатын угына бiлуi керек.

Пікір жазу

Пікіріңізді енгізіңіз!
мұнда сіздің атыңызды енгізіңіз