Есіктен табылған «Алтын адамның» есімі анықталды

7
6111

Әзірбайжан ғалымы Есік қорғанынан табылған «Алтын адамның» есімі Сыңлы деп есептейді, бұл туралы «Эхо» басылымы жазады. Еске сала кетейік, «Алтын адам» аталып кеткен сақ жауынгерінің немесе көсемінің сүйегі Есік өзенінің жағасынан 1969 жылы табылған болатын.

Әзірбайжан Ұлттық ғылым академиясы Археология және этнография институтының қызметкері Заур Гасанов қорғаннан табылған күміс ыдыстағы жазуды зерттегеннен кейін «Алтын адамның» есімі туралы қорытындыға келді. «Есік қорғанынан алынған заттағы руна жазуына Орхон-Енисей таяушығыстық таңбалары фонетикасы негізінде талдау жасау оның түркі тілінен шыққанын көрсетті. Түпнұсқада «Dört bul küz Sınglıyı ır – «Dünyanın dörd (küncü) tərəfindəki tayfalar Sınqlıya nəğmə qoşur», Uş yüz yığ anta ıçır – «Üç yüz ağlar gözlü and içir» деп жазылған. Аудармасы: «Дүниенің төрт бұрышынан Сыңлы тайпасы жырлайды. Үш жүз жоқтаушы ант-су ішеді». Біз бұл жазудың мағынасы осыны білдіретініне айғақ болатын Геродот еңбектері мен «Қытайдың Хань династиясы тарихын» қосқанда бірқатар грамматикалық, тарихи, әдеби куәліктер таптық», – дейді ол.

Гасановтың айтуынша, «Алтын адамның» Сыңлы деген мәртебесі хунну императорына тиесілі әйгілі құдіретті қылыш – «Чинг-лу» атауына сәйкес келеді. Ғалым қытай мен грек деректеріне сүйене отырып, хуннулардың «Чинг-лудың» немесе Сыңлының құрметіне биік жердегі төртбұрышты алаңдарға темір қылыш пішінінде храмдар тұрғызғанын айтады. «Алтын адам» табылған қорғандағы жазуда көсемнің төңірегіндегі тайпалар 4 цифрымен көрсетілген. Сонымен қатар, тайпалық одақ өкілдері үш жүзге бөлінген. Ал «ант-су ішу» деген сақтардың қан мен шарапты араластырып, оған қаруды салып тұрып келісім бекіту салтын білдіреді», – дейді ғалым.

Тарихшының айтуынша, «Алтын адам» өздерін құз деп атаған руға тиесілі. «Парсылар сақтарды өздеріне анағұрлым жақын скиф тайпаларының атауы бойынша атаған. Орыс ғылымында да сақтар скифтер делінеді. Бірақ мен көне грек мәтіндерінде скиф деген сөздің кездеспейтінін анықтадым. Бұл – орыстардың бұрмаланған нұсқасы. Грек дереккөздерінде скифтер құздар делінеді. Ассирия және Вавилон жазбаларында да скифтер іш-құз және аш-ғұз деп аталады. Көріп тұрғанымыздай, бұл тайпа атауындағы түбір сөз – ғұз. Есік жазбасын ашу Есік тайпаларының өз-өздерін «құз» деп атағанын көрсетті. Бұл атаулардың бәрі «оғыз» атауына сәйкес келеді», – дейді ғалым.

tengrinews.kz

7 ПІКІРЛЕР

  1. НАҒЫЗ ҚАЗАҚ ШЕЖІРЕ!!!

    Осы «Қазақ үні» сайтында жарияланған дәлелге сабақтас болып қазақ білген дүние танымның бет пердесі айқындалған үстіне айқындал түссін деп, «Қазақ Елі» газетінің журналисіне 2007 жылдың 21 науырызында берген сұхбатымды жариялап отырмын.

    Менің нақ сенімім мына бір ұстанға сияды, ол Қазақтың жаратылу тарихын әлемге еркін айту үшін тек қана ғылыми тұжырымдарға сүйене отырып дәлелдеуіміз керек.

    Солай жасап «Шежіре» сөзін «Генетика» деп аудардым, сондықтан қазақ өзінің жаратылу тарихын «Генетика» ғылымы арқылы дәлелдей алатын көнеден де көне ұлт болып шығып ақиқат тыншыды.

    P.S. Пәленбай деген «қасиетті кітапта» жазылғанды ғылым енді біліп жатыр деп Құдайдың құтты күні жар саламыз, сондықтан менде «Ақиқат» атты кітап жазып, Қазақ білген дүние танымды ғылым енді біліп жатыр деп дәлел айттым.

    http://toktarabiztengriultra.blogspot.com/2012/09/blog-post_3697.html

  2. Қазақтың аруақ білімен сол алтын адамның өзінен неге сұрамайды. Құдайдан негет сұрамайды әулие бабалар аруағы арқылы? Алтын адамның аты Ұлсай Емер анамыз Қазақ пен Созақ баларымздың және Құзын Сауға Зейнеп анамыздың шешесі.Алаш бабамыздың келіні болады.

  3. Осыдан төрт жылдай бұрын көтерген «Сұңғыла» сөзінің мағынасы енді айқындала бастағандай ма? «Sınglıyı» да, «Чинг-лу» да, «Сыңлыдан» көрі, «Сұңғылаға» көбірек келетін сияқТ ғой :v

  4. Алтын Адамның Есімі емес «РУЫ» табылды дегенге жақын келетін дәлел.

    Бұл мақаладағы: “ҮШ ЖҮЗ” ЖОҚТАУШЫ АНТ-СУ ІШЕДІ!! -деген жерін оқы да, бұрынды берлі айтылып келген «ҮШ ЖҮЗ» туралы сандырақты доғарып, Шежіре Тарихымызды ақиқатпен шегендеуді бастауымыз керек!!!!

Пікір жазу

Пікіріңізді енгізіңіз!
мұнда сіздің атыңызды енгізіңіз