"Әлем аруы" байқауында қазақ аруының тағы да бағы жанбады

Кеше түнде Ресей астанасы Мәскеу қаласында өткен "Әлем аруы-2013"т байқауының жеңімпаздары анықталды. Өкінішке орай бұл жолы да қазақ аруының  бағы жанбады. Сұлулардың ішіндегі ең сұлуы 25 жасар венесуэлалық ару Мария Габриэлла Ислерге "Әлем аруының" тәжі кигізілді. Енді алдағы бір жыл ішінде "Әлемдегі ең сұлу" Мария дүние жүзін саяхаттап, әр түрлі іс-шараларда өзінің сымбатын көрсетпек. Айтпақшы, венесуэлалық қыздардың бұл сайыста жеңіске жетуі осымен 7-рет орын алып отыр. Латынамерикандық қыздардың ерекше сұлулығын байқаудың қазылар алқасы оң бағалады. Венесуэлалық арудан кейінгі алғашқы орындар Испания, Бразилия, Эквадор және Филлипиннің аруларына бұйырды. Ал қазақстандық Әйгерім Қожахан 16 үздік арудың да қатарына ілікпеді.

qazaquni.kz