ҚХР Алтай аймағы, Қаба ауданында ұлттық нақыштағы бұйымдардан көрме өтті (фото)

Шыңжаң Алтай аймағының Қаба ауданында ұлттық нақыштағы қолөнер бұйымдардың көрмесі өткізілді деп хабарлайды BAQ.KZ «Алтай ақпарат» торабының дерегіне сүйеніп.

Көрме алда келе жатқан 8 наурыз мерекесіне орай ұйымдастырылғандықтан, оған қатысқан үміткерлердің саны да көп болды. Қаба ауданы Шыбар қалашығына қарайтын ауылдардың қыз-келіншеткері өерлеп, нақыштап тіккен ұлттық бұйымдарын бәсекеге салды. Мәдениет үйінде өткен көрмеге 300-ден астам кесте және тоқыма заттардан сырмақ, тұскиіз, жастық қабы, төсек сырмақ секілді өрнекті де әшейкейлі бұйымдар қойылып, қазақ ұлтының өзіне тән қолөнерін бір әйгіледі. Сондай-ақ, тау, өзен, ағаш, жылқы секілді сан алуан көріністерді бейнелеп, жиналғандардың көз мейірін қандырған өнер иелері де көп болды.

Дерек көзі: БАҚ.кз