Астана халқы 62 пайызға өсті

 Соңғы он жылда Астана қаласындағы халық саны 62 пайызға артып, 825,4 мың адамды құрады. Бұл туралы бүгiн ҚР Статистика агенттiгiнiң төрағасы Әлихан Смайылов мәлiмдедi, деп хабарлайды BNews.kz тiлшiсi.  «2014 жылдың 1 сәуiрiндегi мәлiметке сәйкес, Астана қаласында тiркелген тұрақты халықтың саны – 825,4 мың адам. Оның iшiнде ер азаматтар – 398 мыңды құраса, әйелдердiң саны – 426 мың. Немесе 100 әйелге 93 ер азаматтан келедi», - дедi Ә.Смайылов. Оның айтуынша, 10 жылдың iшiнде Астана қаласында тұрақты тұратындардың саны 62 пайызға артқан. «2004 жылдың 1 қаңтарында Астана қаласы тұрғындарының саны 510 мың адамды құраған едi. Халық саны әлi де өсуде», - деп толықтырды агенттiк төрағасы.