Қамшыбек Қоңқабаев қарсыласын екі рет нокдаунға түсірді

Бокстан Гамбургте өтіп жатқан әлем чемпионатының финалына үшінші боксшымыз шықты. Ауыр салмақтағы боксшы Қамшыбек Қоңқабаев жартылай финалда камерундық Арсен Фокуды жеңді, - деп хабарлайды Vesti.kz.

Қамшыбек үш раундта да басымдығын таныта білді. Төрешілер бірауыздан (5:0 есебімен) жеңісті қазақ боксшысына берді. Финалда қазақ боксшысы әзірбайжандық Магомедрасул Меджиовпен жұдырықтасады.

Айта кетейік, Гамбургтегі әлем чемпионатының финалына Қамшыбектен өзге Қайрат Ералиев (56 келі) пен Әбілхан Аманқұл (75 келі) шыққан болатын. Ал Жомарт Ержан (49 келі), Василий Левит (81 келі) пен Абылайхан Жүсіпов (69 келі) қола жүлдегер атанды.