Данияр Елеусіновтің жары: Күйеуімнің жарақатын көргенде, құлай жаздадым
2016 ж. 24 тамыз
2797
1
Бүгін Астанаға Рио олимпиадасынан Қазақстанның бокс құрамасының капитаны, Олимпиада чемпионы Данияр Елеусінов оралды деп хабарлайды ҚазАқпарат.
Түнгі уақытқа қарамастан, оны күтіп алуға туыстары мен жақындары, жанкүйерлері келді.
"Мен өте қуаныштымын, ол үшін қатты уайымдадым, өте қорқынышты болды. Мен оның жарақатын көргенде, құлай жаздадым. Қазір барлығы жақсы, біз өте бақыттымыз", - деді Д. Елеусіновтің зайыбы "ҚазАқпарат" тілшісіне берген сұxбатында.
Еске сала кетейік, Рио Олимпиадасында бокстан өткен жарыста 69 келіде өнер көрсеткен қазақстандық боксшы Данияр Елеусінов жартылай финалда француз Сүлейман Сиссокоға қарсы кездесу өткізді. Жекпе-жектің бірінші раунды Данияр Елеусіновтің айқын жеңісімен аяқталған болатын. Екінші раундта да қазақстандық боксшы едәуір басымдықпен алда келе жатқан. Алайда қарсыласының басына соғылған Данияр шекесін қатты жарақаттап алған еді. Дәрігер кездесуді жалғастыруға тыйым салды. Төрешілер жеңісті қазаққа берді. Сиссоко болса, қола медаль иеленді.
Финалда Д. Елеусінов Өзбекстан боксшысы Шаxрам Гиясовтан басым түсті.
Риодан Даниярмен бірге оның әкесі және жеке бапкері - Марат Елеусінов те келді.
"Іштегі сезімді сөзбен айтып жеткізу мүмкін емес, мен өте бақыттымын. Біз бұған көп жылдар бойы талпынып келдік, енді міне соған да қол жеткіздік. Жанкүйерлерге мың алғыс. Танымайтын адамдардың өзі жазып жатыр, қоңырау шалып жатыр - бізге өте қуанышты", - деп атап өтті М. Елеусінов.
