Түркістанда ХІ жазғы Универсиадасы ашылды

 «Түркістан – Арена» стадионында 15 мамыр күні ХІ жазғы Универсиадасының ашылу салтанаты өтті.

Ресми ашылу салтанаты тұғырымыз болған «Тәуелсіздіктің 30 жылдық», Түркістан – түркі әлемінің рухани астанасы атануы, «ХҚТУ – дің 30 жылдық» мерейтойы құрметіне арналды. Ашылу салтанаты еліміздің мемлекеттік Әнұранының Арена төрінде шырқалауымен басталып, ұлттық салт-дәстүр насихатталып, мәдениет, тәрбиемен ұштасқан қойылым көрсетілді. Мерекелік кеште ҚР Білім және Ғылым министрі Асхат Қанатұлы Аймағанбетов құттықтау сөз сөйлеп, ҚР БҒМ Ұлттық ғылыми-практикалық дене тәрбиесі орталығының бас директоры Тастанбек Құтжанұлы Есентаев ХІ жазғы универсиадасын ашық деп жариялады. Сондай – ақ, Қожа Ахмет Ясауи атындағы Халықаралық қазақ – түрік университетінің ректоры Темірбекова Жанар Амангелдіқызы жалынды додаға сәттілік тіледі. Ашылу рәсімі «Turkistan TV» телеарнасынан тікелей эфирінде қалың көрерменге ұсынылды. Айта кетейік, бұл универсиада – 30 спорт түрінен 37 жарыста еліміздің түкпір-түкпірінен мықтыларды біріктірген ауқымды спорттық – бұқаралық жоба. Болашақта қатысушыларға сәттілік тілейміз!

                                                                                                                                                               Алтаева Іңкәр

                                                                                                                   Қарағанды облысы, Қарағанды қаласы

                                                               «Әл – Фараби атындағы мектеп – гимназияның» 11 сынып оқушысы

                                                                                                                                                                     qazaquni.kz