Уәлихан Тен Орталық Азия триатлон қауымдастығы комитетінің төрағасы болды

Өзбекстан астанасында Орталық Азия триатлон қауымдастығы (Central Asian Triathlon Association-SATA) атқарушы кеңесінің екінші отырысы өтті. Оның құрамына Иран, Қырғызстан, Өзбекстан, Ауғанстан және Қазақстан секілді бес елдің триатлон ұлттық федерациялары кіреді, - деп хабарлайды "Қазақ үні" ақпарат агенттігі.

Аталған шараға, САТА президенті Ғалымжан Есенов, САТА мүшелері, аға вице-президенті Чынгыз Алканов, вице-президент Фаррух Насыров, бас хатшы Максим Крят және жауапты хатшы Такеева Айнагуль, сондай-ақ, құрметті қонақ ретінде Өзбекстан триатлон федерациясының президенті Отабек Омаров қатысты.

Күн тәртібінде САТА ресми сайтын іске асыру, екінші САТА конгресі кезінде құрылған комитет жетекшілерін сайлау, САТА қамқорлығымен алғашқы ресми жарыстарды өткізу, САТА рейтингтік жүйесі, қауымдастыққа жаңа мүшелерді енгізу және бірлескен отырыстар өткізу сияқты бірнеше маңызды мәселелер талқыланды.

Отырыстың нәтижесінде бірлестіктің одан әрі бағытын айқындайтын бірқатар маңызды шешімдер қабылданды. Сонымен, Алматы триатлон федерациясы Қамқоршылық кеңесінің мүшесі Уәлихан Тен (Қазақстан) САТА медиа комитетінің төрағасы болып сайланса, Жасур Тажиев (Өзбекстан) Заң комитетінің төрағасы болып сайланды. Спорт комитетін Қанат Келсінбеков басқарды, ал Паратриатлон комитетінің басшылығы Қырғызстан триатлон федерациясының бас хатшысы Елена Лижина-Полченковаға жүктелді.

Шымкент - Ташкент алғашқы трансұлттық ұшырылымы 2020 жылдың 3 мамырына жоспарланған. Сондай-ақ, делегаттар триатлон бойынша бірінші Орталық Азия чемпионатын Азия Кубогының кезеңдерінен бөлек өткізуді шешті. Самарқант және Алматы сияқты қалалар осындай маңызды бастамаға үміткер.

Қырғыз тарапы паратриатлонның алғашқы старттарын ұйымдастырып, өткізеді.

Қазақстандық спортшылар үшін ең қызықты шешім ретінде триатлоннан Қазақстан әуесқойлары арасындағы ұлттық турнирдің, TEMIRADAM Кубогының кейбір кезеңдері Өзбекстан мен Қырғызстандағы халықаралық деңгейде өткізілетінін айтуға болады.

САТА атқарушы комитетінің екінші отырысы осындай жағымды жаңалықтарымен есте қалды. Кездесуде қабылданған міндеттер бойынша белсенді жұмыс басталып жатқан кезде, қазақстандық әуесқой спортшылар жаңа триатлон маусымы басталуын тағатсыздана күтуде.