«Сәбиің қозғалып тұр». Өскеменде жүкті ер адам тіркелген

Өскеменде нефролог дәрігердің пациенттің жай-күйі туралы берген тұжырымдамасында оның іші жүктілігінің мерзіміне байланысты үлкейгені жазылған. Әрине, таңғалатын ештеңе жоқ. Алайда мұндай тұжырымдама ер адамға беріліп отыр.

Бұл туралы Устинка LIVE басылымына сілтеме жасап Stan.kz ақпарат агенттігі хабарлайды.

Пациенттің туыстарының сөзінше, ер адам іші ауырғандықтан, ауруханаға барған. Оның дәрігерлердің жұмысына қатысты бір ғана шағымы болған. Дәрігердің жазып берген тұжырымдамасында аурудың көптеген белгілерімен қатар, ер адамның жүкті екені көрсетілген.

Бұл келеңсіздікті ер адам үйіне келгеннен кейін ғана байқаған. Сонымен қатар емхана қызметкерлері пациенттің іші үлкейгенімен қатар, жүктілік мерзіміне байланысты ер адам сәбидің қозғалысын сезе бастағанын жазған.

Өз кезегінде ШҚО денсаулық сақтау басқармасындағылар мұндай жағдайдың қалай орын алғанын анықтауға уәде етті.