Моңғолия президентінің кортежі жүргіншілер жолағына тоқтап адамдарды өткізіп жіберді

Әлеуметтік желіде Моңғолия президенті Халтмаагийн Баттулганың кортежі жаяу жүргіншілер жолағында тоқтап, адамдарды өткізген фотосы жарияланды. Бұл туралы "Қазақ үні" ұлттық порталының тілшісі ca-news.org сайтына сілтеме жасап хабарлайды.

Бұған дейін, Баттулга өзіне арналған президент резиденциясында тұрудан бас тартқан болатын. Ол қазіргі кезде Орталық почтаға қарама-қарсы орналасқан үйде тұрып жатыр. Моңғолия басшысы жұмысқа дейінгі 400 метр жерді жаяу жүріп барады.

Еске салсақ, Демократиялық партия атынан түскен Баттулга 2017 жылдың 8 шілдесінде сайлауда жеңіске жетіп, ел президенті атанған еді.