Швейцариялық банк тұңғыш президенттің қызын ақшасын заңдастырды деп айыптауда
2017 ж. 28 ақпан
4009
1
Швейцарияда жекеменшік Lombard Odier Өзбекстаннан заңсыз жолмен келген ақшаны заңдастырды деген күдікке ілікті деп хабарлайды centralasian.org.
Федералдық прокуратура бұл ақшаның Гүлнәр Каримоваға қатысы бар-жоғын тексеріп жатыр.
Швейцарияның федералдық прокуратурасы 200 жылдан астам тарихы бар Lombard Odier банктің бірқатар қызметкерінің әрекетін біраз уақыттан бері тексеріп келгенін хабарлады. Прокуратура мәліметі бойынша, қаржы қылмысына нақты қанша адамның қатысқаны әзірге белгісіз.
Reuters агенттігінің мәліметі бойынша, Женевада орналасқан Lombard Odier 1796 жылы құрылған. 2012 жылы банк басшылығы банк есебіне түскен ақшаға күмән келтіріп, құзырлы органдарға хабарласқан. "Тергеу жалғасып жатыр. Банк тиісті органдармен толықтай әріптестік орнатқан", - деді Lombard Odier баспасөз хатшысы Reuters агенттігіне.
Америкалық Wall Street Journal мәліметі бойынша, 2016 жылы 9-10 желтоқсанда швейцариялық прокуратура Өзбекстанның тұңғыш президентінің қызын 23 сағат бойы тергеді. Оған билік тағайындаған қорғаушы Грегуар Манжеа да қатысты.
2012 жылы жазда Швейцария банк есептеріндегі 800 миллион долларды құлыптап тастаған еді. Ол ақша Гүлнәра Кәрімоваға тиесілі болуы мүмкін деген болжам бар.
