2016 жылғы 5 ақпанда Қазақстан Республикасы Орталық сайлау комиссиясы

Қазақстанның «Ақ жол» Демократиялық партиясының партиялық тізімін тіркеді

2016 жылғы 5 ақпанда Қазақстан Республикасы Орталық сайлау комиссиясы Қазақстанның «Ақ жол» Демократиялық партиясының партиялық тізімін тіркеді. 35 кандидаттың ішінде бес ұлттың өкілі бар. 17 % - ы - әйел адамдар. Қазақстанның «Ақ жол» Демократиялық партиясының партиялық тізіміне енгізілген кандидаттардың орташа жасы – 46 жас, олардың ең жасы – 34 жаста. Партия ұсынған 8 кандидат Парламент Мәжілісінің депутаты болған. Сондай-ақ тізімде коммерциялық құрылымдардың, ғылым, мәдениет және білім беру қызметкерлері, партия аппаратының және ҮЕҰ-дың қызметкерлері ұсынылған. Ортсайлауком хатшысы Бақыт Мелдешов "Ақ жол" партиясының кезектен тыс ХІІІ съезі бекіткен партиялық тізімі туралы баяндама жасады. Ортсайлауком Төрағасы Қуандық  Тұрғанқұлов ҚР ОСК отырысына қатысқан «Ақ жол» ҚДП Төрағасы А.Т. Перуашевқа Қазақстан Республикасы Парламенті Мәжілісінің депутаттығына кандидаттың куәлігін тапсырды, сондай-ақ «Ақ жол» ҚДП-нан партиялық тізімге енгізілген Мәжіліс депутаттығына барлық кандидаттардың куәліктерін берді. Отырысқа «Ақ жол» ҚДП Төрағасының орынбасары Қазыбек Иса,  партияның Орталық Комитеті хатшылары Әбдіразақ Сұлтанов пен  Айгүл Жұмабаева қатысты. Кешкі сағат 18-00-де «Ақ жол» ҚДП Төрағасы Азат Перуашев  партияның Астанадағы орталық кеңсесінде "Ақ жол" партиясының партиялық тізіміндегі Парламент Мәжілісінің депутаттығына кандидаттарға куәліктерін тапсырды. qazaquni.kz Тақырыпқа орай:  “Ақ жол” партиясынан депутаттыққа үміткерлер тізімі http://www.qazaquni.kz/?p=45882