ДАРИҒА ҰЙҚЫДАҒЫ ҮКІМЕТТІ ОЯТУҒА КЕЛДІ...

...Елбасының үлкен қызы Үкімет үйіне кірді... Атқарушы билікке екі айналып соғып,  елдің еңсесін түсіріп, ахуалын әлсіреткен ҮКІМЕТ басшысының орынбасары лауа­зымына – Дариға НАЗАР­БАЕВА тағайындалды. Несі бар, бұл әрекет - Елбасының мінезіне ұқ­сай­ды: бетімен кеткендерге бөгет қою керек. Дариға Мә­жіліс төраға­сы­ның орын­басары қыз­метінде әлеуметтік мәсе­ле­лерге әлі жететіндігін көрсетті. Ең басты жеңісі – қоғам­ды әлеуметтік қорғау саласында жәрдемақыларды мейлінше қысқартудан ке­йін Ең төменгі әлеуметтік қалып туралы заңның жобасын егжей-тегжейлі зерттеп-әзірлеп, қиындықтармен кү­ресіп жүріп, ақыры қа­был­датты. Мұның өзі әлеуметтік қорғау мәсе­ле­сінде қоғамда төңкеріс жасағанмен бірдей жасампаз қадам болды... Мәжіліс төрағасының ор­ынбасары Дариға НАЗАР­БАЕВА әлеуметтік саланың министрлерімен «алысып-жұлысып» келіп еді, енді олардың тікелей басшысы болды. Үкіметтің әлеуметтік қорғау саласының күшей­етіндігі түсінікті. Жасыратыны жоқ, әлемді қаржылық-экономикалық, саяси-әлеуметтік дағдарыс теңселтіп тұр. Шикізат сатумен ғана «шекесі қызған» қазақтың мұнайының ба­ғасы құлдырап кетті, қа­зақ теңгесінің «есі ауып қалды»; мұнайдың ма­йымен беттері жыл­тыраған  ке­лім­бетовтер, школьниктер, мыңбаевтар, қарабалиндер қара алтын­ның бағамы құдыққа құлап жат­са да, жанар-жағар май­дың (бензин) бағасын көтеріп, халыққа қарабет болды... Құдай бетін әрмен қыл­сын,  әлеуметтік қарсылық толқыны сезілмей тұрып, ел басшысы атқарушы билікке үлкен қызын әкелді. Дариға – сая­сатта салиқалы салмағы бар адам, ол өзінің турашыл мінезімен әкіреңдеген әкімдер мен мүлгіген министрлерге де, ұлттық ком­паниялардың басшылары мен ірі кәсіпкерлерге де азуын көрсете алды. Тап қазіргідей аласапыранда осындай осып түсер өткір кісі ауадай керек болып тұр. Майлы жілік сорып дағ­дыланғандар қоғамда толқу тудыру үшін «Бұл та­ғайындау – мұрагерлікке жа­салған қадам» деген бық­сыған өсек таратты. Біз­дің­ше, бүгінгідей әлеуетті эко­номикалық дағдарыс кез­еңінде тәртіп пен үнем мін­детті түрде қажет. Ата­мыз қазақ: «Қыз бала - өрісің» деген, үлкен қыз­дың сенім үдесінен шы­ғатындығына сенім бекем!

Қажымұқан ҒАБДОЛЛА

qazaquni.kz