«Кепіл берем» жобасын күдікті саяси идеяларға құрбан еткім келмейді.

Белгілі кәсіпкер  Марғұлан Сейсембаев Фейсбук желісінде 400 000-нан астам адам қолдау білдіріп отырған  «Кепіл берем» жобасының саясатқа қатысы жоқтығы туралы мәлімдеді.

Еліміздегі оқиғалар мен қоғамдағы сенімсіздік бізді саяси шешімдердің сенімсіз соқпағына итермелейді. «Кепіл берем» жобасындағы өзімнің айқындамам мен идеологиямды басынан-ақ анықтап, түсіндіріп бергім келеді. Біз ешбір агрессивті мінезге лайықты емеспіз. Жеке басым агрессивті күрес жолымен ұзақ мерзімді бейбіт өмір орнатуға болатынына сенбеймін. Қанмен келгеннің барлығы қан болып қала береді. Сондықтан біздің жолымыз - өзіміздің айналамызда күн сайынғы позитивті өзгерістерне бағытталған сатылы даму жолы.

Мақсаттар туралы

Біз барлығын бірден түзетпек емеспіз. Біз қарапайым, түсінікті, нақты қадамдардан бастаймыз. Алайда, күн сайын. Біз қазақстандық өндірушілердің сапалы өнімін назарға аламыз, солардың болашағына жұмыламыз. Өндірушіден тұтынушыға дейін тауарлар қозғалысының жолындағы бөгеттерді алып тастамақпыз. Сапалы өнім өндіруші кәсіпорындарды қаржыландыру жүйесін жақсартпақпыз. Тұтынушыны қорғаймыз. Күнделікті өмірге әр сөзбен іс үшін жауапкершілік қағидаттарын енгіземіз. Өз ісімізге өзіміз жауап береміз. Саяси бағыттылыққа тәуелсіз түрде сындарлы және жасампаздықпен барлығына серіктестік көмек жасаймыз.

Саясат туралы және оған менің қатынасым.

Біздің мақсаттарымыз қандай да бір дәрежеде саясатқа да тиіп кетеді. Мені қандай да бір қозғалыс пен партияға таңып қойғысы келеді. Мен радикальді, оппозициялық, үкіметтік саясаткерлер, саясаттанушылар мен сарапшылардың көңілін қалдырамын. Мен саясаткер болғысы келетін бизнесмен емеспін, алайда мен Азамат болғысы келетін бизнесменмін. Алайда өзгерісті, алға дамуды, халық дәулеттілігінің артуы мен еліміздегі бейбіт өмірді қолдаймын. Мен бір сәтке де серіктестерім, еріктілерім, қызметтестерім, туысқандарым мен жақындарымды естен шығарған емеспін. Мен «Кепіл берем» жобасының идеясын күдікті саяси идеялар мен күдікті күрес әдістеріне құрбан еткім келмейді. Көптеген адамдардың көңілін қалдырғанымды білемін. Бірақ өзім мен жобаға қатысты ақталмаған үмітін бірден кескен дұрыс. Егер сіз радикалды, агрессивті шешімді қолдасаңыз, бұлар маған қатысты емес. qazaquni.kz