Мәжілістегі үш депутаттың өкілеттігі тоқтатылды

Сенат төрағасының орынбасары болып тағайындалуына байланысты Нұрлан Әбдіров Мәжіліс депутаты лауазымынан босатылды, деп хабарлайды "Қазақ үні".

28 тамызда мемлекет басшысының жарлығымен Нұрлан Әбдіров ҚР Парламенті Сенатының депутаты болып тағайындалған. 1 қыркүйекте оны Сенат спикерінің орынбасары етіп тағайындаған.

Сонымен қатар, Павлодар облысы әкімінің орынбасары болып тағайындалуына байланысты Айзада Құрманова депутат лауазымынан босатылды.

Сондай-ақ, депутат Нұрлан Дулатбековтің өкілеттігі де тоқтатылды. Ол Бөкетов атындағы Қарағанды ​​мемлекеттік университетінің ректоры болып тағайындалды.