Тасмағамбетов ана тілі туралы өлең оқып, жастарды тебірентті (ВИДЕО)

Жастардың үштілділік туралы сұрағына жауап берген Үкімет басшысының орынбасары Иманғали Тасмағамбетов тіл мәселесіне тоқтала келіп, Сұлтанмахмұт Торайғыровтың тіл туралы өлеңін оқыды, - деп хабарлайды Қамшы порталы.

«Сүйемін туған тілді анам тілін,

Бесікте жатқанымда-ақ берген білім.

Шыр етіп жерге түскен минутімнен,

Құлағыма сіңірген таныс үнім.

Сол тілмен шешем мені әлдилеген,

Еркелеткен, құлыным, жаным деген».

Ол сондай-ақ өз сөзінде, өркениетті ел боламыз десек ағылшын тілін міндетті түрде білуіміз керек екенін ескертті.