Е. Тұрсынов отандық фильмдер ресейліктерді қызықтырмайтынын айтты
2015 ж. 03 сәуір
1734
0
Қазақстанның киноиндустриясы Ресей нарығына шыға алмайды, деп мәлімдеді Алматы арнасы “Іскерлер уақыты” бағдарламасының қонағы белгілі кинорежиссер Ермек Тұрсынов.
Оның айтуынша, отандық фильмдер көрші елдерде сұранысқа ие емес. Себебі олардың аса ірі “Каро Фильм”, “Видео Интернешнл” сынды ортасы бар.
“Олардың өз нарығы бар. Өзгенің туындыларын өз “бақшаларына” жолатпайды”, – деді режиссер. Тұрсыновтың айтуынша, Ресейлік сатып алушылар Америка және Еуропа елдері шығарған фильмдерге баса назар аударады.
Ал Қазақстан, Қырғызстан, Өзбекстан елдері шығарған туындылар Ресейді қызықтыра қоймайды.
Дереккөз: Алматы ТВ
