"ЭКСПО"-ны салу барысында қанша адамның қайтыс болғаны анықталды

"ЭКСПО"-ны салу барысында 2 адам қайтыс болған. Тағы бірнешеуі әртүрлі жарақат алған. Бұл туралы Астана қаласы Есіл ауданының прокурорлары мәлімдеп отыр деп хабарлайды 31 арна.

Жалпы ЭКСПО аумағында 8 оқыс жағдай тіркеліп, 2 адам опат болған. Осы жайттарды ескерген прокурорлар тексеріс жүргізіп, бірнеше мердігерді әкімшілік жауапкершілікке тартыпты.

Айта кетерлігі, жуырда ғана халықаралық көрме аумағында салмағы 300 тоннаға жуық көпір құлаған болатын. Ол кезде абырой болғанда ешкім зардап шекпеген-ді.