Астанада Халықаралық кітапханашылар конгресі өтіп жатыр

Бүгін Астанадағы Тәуелсіздік сарайында Қазақстан Республикасы Тәуелсіздігінің 25 жылдығына орай «Әлем. ХХІ ғасыр. Оқу арқылы рухани үндестік пен мәдениетке» тақырыбында Халықаралық Кітапханашылар конгресі өтіп жатыр, - деп хабарлайды qazaquni.kz тілшісі.

Аталмыш шара Мәдениет және ақпарат министрлігі және Ұлттық академиялық кітапхананың ұйымдастыруым жүзеге асып отыр.

Конгресс жұмысына әлем және ТМД елдері: Ресей, Молдова, Украина, Беларусия, Грузия, Әзірбайжан,  Иран Ислам Республикасы Ұлттық кітапханаларының өкілдері, Халықаралық кітапханалық ассоциациялар мен мекемелер федерациясы (ИФЛА), Еуразия Кітапханалары Ассамблеясы (БАЕ) өкілдері, саясат және қоғам қайраткерлері, ғалымдар, ақын-жазушылар, меценаттар, мәдениеттанушылар, баспагерлер, мәдениет, білім және ғылым саласындағы мемлекеттік мекемелердің жетекшілері мен жауапты қызметкерлері және кітапханашылар қатысуда.

Ұйымдастырушылардың айтуынша, конгресстің басты мақсаты – қоғам назарын кітапханаларды дамыту мәселелеріне, мәдениеттің маңызды элементі ретіндегі оқуға аудару, ақпараттық қоғамның қазіргі заманғы талаптарына жауап іздестіру, электронды ақпараттық ресурстарды қалыптастыру мәселелері бойынша тәжірибе алмасу және оны ақпараттық-кітапханалық мекемелерде пайдалану.

qazaquni.kz