Елдос Сметов пен Галбадрах Отгонцэцэг елге оралды
2016 ж. 15 тамыз
2445
1
Бүгін түнде Рио Олимпиадасына аттанған дзюдошыларымыз елге оралды. Олардың арасында жүлдегер аттанған Елдос Сметов пен Галбадрах Отгонцэцэг бар.
Спортшылар Амстердам – Алматы KL 405 рейсімен ұшып келді. Балуандарды күтіп алуға көптеген жанкүйерлер жиналды. Олимпиада ойындарының күміс жүлдегері Елдос Сметовтің де ата-анасы келді.
Айта кетейік, Рио Олимпиадасында Қазақстан намысын алты дзюдошымыз қорғаған болатын. Олардың арасында 60 келідегі Елдос Сметов күміс жүлдегер атанса, 48 келідегі Галбадрах Отгонцэцэг қола жүлде еншілеген болатын.
