Қазақстандық танымал спортшы спорттан шеттетілді
2016 ж. 27 маусым
3042
26
Халықаралық ауыр атлетика федерациясы (IWF) допинг қолданғаны үшін қазақстандық ауыр атлеттер Жасұлан Қыдырбаевты сегіз, Алмас Өтешов пен Ермек Өміртайды төрт жылға спорттан шеттетті.
Бұл туралы Аламан хабарлайды.
Қыдырбаев тек 2023 жылы, Өтешов пен Өміртай 2019 жылы жарысқа оралуға құқылы. Қыдырбаев осыған дейін бір рет допингпен жарыстан шеттетілген. Сондықтан ол «екінші рет допинг қолданды» деген айыппен үшін сегіз жыл жаза алып отыр.
Халықаралық ауыр атлетика федерациясы 2015 жылы Хьюстонда өткен әлем чемпионаты кезінде қазақстандық Алмас Өтешов пен Жасұлан Қыдырбаев және Ермек Өміртайдың қанынан допинг табылғанын мәлімдеген.
Хьюстондағы әлем чемпионатында Алмас Өтешов күміс, Жасұлан Қыдырбаев қола медаль алған. Енді екеуі де медалін қайтарып беруі тиіс.
Дерек көзі: Аламан
