Қазақстан үкіметі АИ-92 маркалы бензинді еркін айналымға жіберіп, қадағалаудан бас тартатынын мәлімдеген соң, еліміздегі кейбір жанармай бекеттері бағаны көтере бастады.

Бұл туралы NUR.KZ хабарлайды. Балқаш қаласындағы жанармай бекеттерінің бірінде АИ-92 маркалы бензиннің литрі 130 теңгеге жетті. Аи-95 литрі 150 теңге, ал АИ-98 маркасы 160 теңгені құраған.

Осы тақырып бойынша оқыңыздар: АИ-92 маркалы жанар-жағармайдың бағасы еркімен жіберілетін болды Қазақстан үкіметі бензин мен дизельдік отын бағасының көтерілмеуін қадағалайды

Ал осы аралықта Алматыдағы жанармай бекеттерінде көліктер жаппай кезекке тұра бастады. Бүгін арнайы баспасөз мәслихатын өткізген премьер-министрдің орынбасары Бақытжан Сағынтаев үкіметтің бензин бағасын қадағалап, бағаның өсуіне жол бермейтінін айтқан болатын. Еске сала кетейік, 2015 жылы мамырдың аяғында Энергетика министрлігі дизель отынын литріне 99 теңгеден, АИ-80 маркалы бензинді литріне 89 теңге, ал АИ-92/93 маркалы бензинді 108 теңгеден сатуды қолға алған болатын.