Мейрамбек Бесбаев ұлды болды (фото)
2015 ж. 27 наурыз
10695
17
Күллі қазаққа бала күннен "Бозторғайымен" танылған "МузАрт" тобының әншісі Мейрамбек екінші рет әке атанды деп хабарлайды baistars.kz.
Бесбаевтардың шаңырағына жұбайы Мархабат шекесі торсықтай ұл сыйлады. Қуанышы қойнына сыймаған Мейрамбек мырза бір құшақ гүлін алып, тұңғышы Кәусармен бірге перзентханадан оқырмандарына алғыс білдірген суретін әлеуметтік желіге жария етті.
Мейрамбек Бесбаев екінші рет әке атанғанын оның МузАрт тобындағы әріптесі Сәкен Майғазиевте көпшілікпен бөлісті деп хабарлайды Neke kz.
"Сүйiншi, Қазақ елi! Алланың қалауымен Мархабат Мейрамбекке алтын асықтай ұл сыйлады!", - деп жазды Майғазиев Instagram желісіндегі ресми парақшасында.
Еске сала кетсек, Мейрамбек Бесбаевтың Кәусар есімді қызы бар. Ол 2014 жылы алғаш рет мектеп табалдырығын аттады.
