«Өткен жылы түрік тәжірибесі бойынша кәсіпкерлер үшін шағын несие қорын ашу жоспарланып отырғанын айтқан болатынбыз. Яғни, отандық өндірушілерге кепілсіз көмек көрсетіледі. Биылғы жылы, мүмкін алдағы айда бұл қорды ашуды көздеп отырмыз. «Бәйтерекпен» келісім жасадық, мұндай қорды «Дамумен» бірге ашпақ ойдамыз», - деді А.Мырзахметов. «Биылғы жылға осындай мақсат қойып отырмыз. Мүмкін 5 млн немесе 10 млн болар, бұл «Даму» қорының қолдауына байланысты. Шағын несие қорын пилоттық тәртіпте ашып, оның тиімділігін көрсетпекшіміз. Бұл қор кредиттер бойынша 90 пайыз қайтарымды қамтамасыз етеді», - деп нақтылады басқарма төрағасы.