Қазақстандықтар пойызға отырғанда жеке куәлігін көрсетуге міндеттелмейтін болды

Қазақстандықтар пойыздарға отыру кезінде электрондық жеке куәлікті ғана ұсына алады, деп хабарлайды eGov.

Қазақстандық пойыздардағы электронды куәлік осы жылдың желтоқсан айынан бастап енгізілуде. Электронды куәлікті қолданатын пойыздарға отыру үшін сізге:

Мобильді азаматтардың деректер базасында тіркелу керек және ұялы телефоныңызда eGov мобильді қосымшасы болу керек.

Тексеру QR кодын сканерлеу арқылы жүзеге асырылады.

"Жолаушылар тасымалы" хабарлағандай, жолсерік мобильді терминалы арқылы жолаушылардың электронды куәлікті сканерлейді, сол арқылы жолаушының мәртебесін тексереді. EGov мобильді қосымшасындағы QR кодын жолаушының мобильді құрылғысынан сәтті оқып шыққаннан кейін және терминалдағы мәртебені мақұлдағаннан кейін жолаушы вагонның ішіне кіріп, жол жүру құжатында (билетінде) көрсетілген орынға отыра алады.

"Біздің мақсатымыз - цифрландыру шешімдері арқылы Қазақстанның әрбір азаматының өмірін мүмкіндігінше жеңіл және қарапайым ету. Кейде құжаттарымызды үйде ұмытып кетіп жатамыз. Бұрын пойызға отырғанда сізде жеке куәлік болу керек еді. Бірақ қазір смартфоныңыз болса және Egov қосымшасына кірсеңіз жеткілікті", - деп түсіндірді цифрлық даму министрі Бағдат Мусин.

Электрондық куәлікті пайдалану кезінде жолаушылар мыналарды білуі керек:

• Электрондық куәлікте келесі мәліметтер бар: фотосурет, аты-жөні, туған күні мен орны, құжаттың әрекет ету мерзімі, ЖСН.

• Электрондық куәлік тек Қазақстан Республикасының аумағында жарамды. Мемлекетаралық және трансшекаралық маршруттарға отырғызу кезінде электрондық куәлік күші болмайды.

• Электронды куәліктің әрекет ету мерзімі қағазбен бірдей. Егер қағаздағы түпнұсқаның мерзімі біткен болса, оның да мерзімі өтіп кетеді.

Сондықтан көлікке отырғанда түсініспеушіліктер болмас үшін, құжаттарыңыздың жарамдылығын алдын ала тексеріп алғаныңыз жөн.

• Электрондық куәліктің бірегей QR-код жасалады, оны шынайылығын тексеру үшін сканерлеуге болады. Жеке деректерді қорғау үшін QR кодына үшінші тұлғаларға қолжетімділігі шектеулі.

• Электрондық куәлік Қазақстан Республикасы азаматының жеке куәлігінің түпнұсқасын толығымен алмастырмайды. Сондықтан жолаушының жол жүру кезінде құжаттың түпнұсқасын өзімен бірге алғаны жөн.

• Билет кассалары арқылы жол жүру құжаттары (билеттер) қайтарылған жағдайда, жолаушының жеке басын куәландыратын құжаттың түпнұсқасы ұсынылуы керек.

• Егер сіздің телефоныңыздың батареясы сөніп қалса, Интернет трафигі таусылса немесе ұялы телефоныңызда желілік байланыс болмаса, электрондық куәлік қолжетімді болмайды.