Каспийден теміржол туннелі салынуы мүмкін

Бұл туралы қыркүйектің 24-25-і күні өткен V Халықаралық энергетикалық форумында айтылды. Әзербайжанның сыртқы экономикалық даму жөніндегі экс-министрі Гудрат Гулиев Каспий түбіне темір жол салуды ұсынды. Оның айтуынша, бұл жоба жол қысқартуға себеп болады. Туннель теңіздің тайыз жерінен өтіп, ұзындығы 300 шақырым болады деп жоспарланып отыр. Каспийдің бойымен 20 сағат жүретін паромдар қажеттілігі төмендейтіні айтылды.