ҮМІТКЕРЛЕРДІ АЛАЛАУҒА БОЛМАЙДЫ

Орталық сайлау комиссиясы Президенттікке үміткерлер жайлы ғаламторда жазба жариялаудың тәртібін түсіндірді. Әлеуметтік желі бұқаралық ақпарат құралы болып саналатындықтан, кез-келген пайдаланушы оған жазғанда барлық кандидатқа теңдей көңіл бөлуі керек. Орталық сайлау комиссия­сындағылардың айтуынша, кез-келген БАҚ кандидаттарға бірдей мүмкіндік беруге міндетті. Әлеуметтік желілер де бұқаралық ақпарат құралы болғандықтан, ондағы блогерлер барлық үміт­­­­­­к­ерлер жайлы жазуы керек. Яғни, бір үміткерді қолдап, екін­шісін назардан тыс қалдыруға болмайды. Дегенмен, елімізде блогер дегеннің нақты кім екені заң жүзінде реттелмеген. Сондықтан, Ақпарат және қоғамдық даму министрлігіндегілер әзірге әлеуметтік желіні пайдалану­шы­лардың барлығы блогер деп есептелетінін айтып отыр. Ал олардың кандидаттар жайлы жазған жазбасы қалай қадаға­ланатыны белгісіз. Сондай-ақ, Орталық сайлау комиссиясы саяси доданың әділ өтуін қадағалайтын тағы 22 шетелдік бақылаушыны тіркеді. Олар Еуропадағы қауіпсіздік және ынтымақтастық ұйымы секілді халықаралық ұйымдардың мүшелері. Сөйтіп, тіркелген бақылаушылардың жалпы саны 67-ге жетті. Ал Президенттікке кандидат 7 азамат өңір-өңірді аралап, сайлауалды бағдарламаларын насихаттауға кірісіп кетті. qazaquni.kz