КӘСІПОДАҚ ҰСТАЗДАР ҚҰҚЫҒЫН ҚОРҒАДЫ

2018 жылы қазақстандық салалық білім және ғылым қызметкерлерінің Кәсіптік одағы жұмыс берушілер тарапынан болған 2900 еңбек заңнамасының бұзылу фактісін анықтады. Бұл заң бұзушылықтарға қатысты және оны қалпына келтіру бойынша жұмыс беру­шілерге 1502 арыз жі­берілді. Нәтижесінде қал­пына келтірілген құқық бұзушы­лықтар бойынша 1390 жауап келіп түсті. Ұстаздар кәсіп­одағының бас­тамасымен білім саласының 44 қызметкері жұмыс­қа қайта орналасты. Оның 6-ауы сот органдары арқы­лы қайтадан жұмысқа алынды. Бұдан бөлек осы саланың 113 қызметкерін заң­сыз жұмыстан босатуға жол берілмеді. Кәсіподақ кеңсесіне оның мүшелерінен көптеген арыз-шағымдар келіп түсіп жатады. Тек былтыр хат арқылы 2 074 шағым түсіп, еңбек қатынас­тары мәселесі бойынша 20 790 ақыл-кеңес берілді. 2017 жылы 2349 арыз-шағым түсіп, 18 878 ақыл-кеңес берілген болатын. Естеріңізе сала кетсек, қазақстандық салалық білім және ғылым қызметкерлерінің кәсіподағы Қазақстандағы ең ірі қоғамдық ұйым және құрамына 700 мыңнан астам кәсіподақ мүшесі кіреді.

qazaquni.kz