БАЛАЛАРҒА ҚИЯНАТ ЖАСАҒАНДАР ҚАТАҢ ЖАЗАЛАНАДЫ

Кәмелетке толмаған бала­ларға зорлық-зомбылық көрсет­кендерге жаза күшей­тілді. Әсіресе, жыныстық зәбір көрсеткендер 12 жылдан 17 жылға дейін бас бостан­ды­ғынан айрылады. Сенат заңға осындай өзгерістер енгізді. Бұрын осы қылмыс үшін 10 жылдан 15 жылға дейін жаза арқалайтын. Ресми мәліметтерге қарасақ, соңғы 5 жылда 18-ге толмаған жеткіншектерге жыныстық тұрғыда қорлық көр­сету бойынша 4.740 дерек тір­келіпті. Заңдағы жаңа өзге­ріс­тер ата-аналар, өгей әке-шеше­лер, педагогтар мен бағып-қағушыларға қатысты. Яғни, солардың тарапынан бала­ларға зорлау мен зорлық-зом­былық жасалса, қатаң қылмыс­тық жауапкершілікке тартылады. Одан бөлек, мұға­лім­дер, дәрігерлер немесе әлеу­меттік қызметкерлердің де жауапкершілігі артады. Балаларға қиянат жасау деректеріне куә болып жатса, дереу полицияға хабар беру керек.

qazaquni.kz