ДЕЛДАЛДЫҚҚА ҚАРСЫ КҮРЕС ЖАРИЯЛАНДЫ

ҚР Ақпарат және коммуни­кация­лар министрі Дәурен Абаев мемлекеттік қызметтер саласында делдалдармен күресті күшейтуді ұсынды. «Азаматтарға арналған үкімет» мемлекеттік корпорациясы жем­қорлыққа қарсы жұмысты кү­шейтуі тиіс. Мәселен, мем­ле­кеттік кор­порацияға мүлдем қа­тысы жоқ кей адамдар оңай ол­жаның түрлі тәсілдерін ойлап тапқан. Олар қызмет түрлерін өздері алып үйренбеген азаматтарға кө­мек­тескен болып, сол үшін ақша алады. Сондықтан, мемлекеттік корпорация осындай делдалдардың жұмысын дер кезінде анықтап, дереу жоюы қажет», – деді Д.Абаев ми­нистрліктің алқа мәжілісінде. Жақында ҚР Мемлекеттік қызмет істері және сыбайлас жем­қор­лыққа қарсы іс-қимыл агенттігі де көлік құжаттарын рәсімдегенде алаяқтарға алданбауға кеңес берген еді. «Олар xалықты ашық алдайды. Мысалы, бір адамға келеді де, көлікті тіркеуге қоюды, я болмаса, тіркеуден алуды жылдам істеп бере аламын дейді. Бір-бір жарым сағаттың ішінде дайын болады деп сендіреді. Негізі, аталған мемлекеттік қызмет тура сол уақытта – бір сағаттың ішінде жасалады. Ал делдалдар xалықтың сауатсыздығын пайдаланып, соны өздері істегендей болады. Сол үшін алдап ақша алып кетеді», – деген-ді баспасөз мәслиxатында агенттік өкілдері. «Азаматтарға арналған үкі­мет» мемлекеттік корпорация­сы төрағасының орынбасары Әсемгүл Балташеваның сөзіне қарағанда, өткен жылы республика бойынша ішкі қауіпсіздік қызметі делдалдықтың 290 фак­тісін анықтады. Делдал­дық, алаяқ­тықтықтың бір түрі, қылмыстық іс болып табылады. Өкінішке орай, «қызметтің» осы түрі барлық салада күнделікті тұрмысымызда жиі кездеседі. Сондықтан, минситрдің оған күрес жариялауы өте орынды.

З.Қабиоллаұлы

qazaquni.kz