Астанадағы жарылыстың себептері анықталды

Астанадағы өрт пен газ толтыратын резервуардың жарылыстың анық-қанығы белгілі болды, деп хабарлайды ҚазАқпарат Астана қалалық ТЖД баспасөз қызметіне сілтеме жасап.

«Бүгін 19:44-те 101 пультіне Ақжол көшесі 26 мекенжайы өртеніп жатқаны туралы қоңырау шалынды. Оқиға орнына шұғыл жеткен Өрт сөндіру қызметінің кезекші бөлімшесі  19:51-де  ҚазҒЗИ аумағында  ағаштан салынған қосымша жайдың  40 шаршы метрі өртеніп жатқанын анықтаған. Сондай-ақ газдың шығып кетуі салдарынан газ толтырылатын  резервуар жанған», - деп хабарлады ТЖД.  

ТЖД ақпаратына қарағанда,  тілсіз жауды ауыздықтау барысында өрт сөндірушілер 25 газ баллонын алып шыққан. Өрттің себеп- салдары анықталуда.  Өрт сөндіруге жеке құрамның 5 техникасы мен 31 адамы жұмылдырылды. Тілсіз жау 21:30-да сөндірілді.