Алматы облысы, Еңбекшіқазақ ауданына қарасты, Асысаға ауылының тұрғындары наразылыққа шықты. 450 түтіні бар ауыл - «жайылым жерлерімізге қожайыны шетелдік болуы мүмкін компания қол салды. Ал оларға 300 гектар жерді шенеуніктер сатты» деп ашулы.
ЖЕР ДАУЫ! Жайылым жерлерінен айырылған халық митингіге шықты (ВИДЕО)
2018 ж. 02 қазан
9570
1
- Инвесторлар мәшінелерін әкеп тіреп тастады, ешкіммен ақылдаспай. Біз деген халықпыз ғой, жаным-ау! Келіп тым құрыса халықпен ақылдасса, біз жынды емеспіз ғой, - деп ашуланды ауыл тұрғыны Сейсенбай Зекенұлы.
Ауыл тұрғындарының айтуынша, ауылдағы жайылым жердің 70 пайызы бір ғана адамның қолында.
- Совхоздың жерлерінің 70 пайызы бір ғана адамның қолында. Жанкелді Осанұлы деген кісінің атында. Сол кісілердің істеп отырған жұмысы бұл. Ол облыстық мәслихат депутаты. Ол кісінің өз атында емес, ағайындарының атында, - деді ауыл тұрғыны.
