Жүргізушінің заңға қайшы әрекеті бақылау камерасына түсіп қалса да, оның айыппұл төлемеу мүмкіндігі бар. Егер сот орындаушылары 1 жыл 25 тәулік ішінде айыппұлды өндіріп ала алмаса, жол ережесін бұзған жүргізуші жазадан құтылып шыға алады.
Бұл туралы КТК арнасы хабарлады.
- Бұл жағдай ӘҚБ туралы кодекстің 890 бабында көрсетілген. Яғни, аталған мерзімде айыппұл өндіріліп алынбаса, жүргізуші «әкімшілік жазаны жою туралы» полицияға өтініш жазып, айыппұлды жоя алады, - деді арна тілшісіне берген сұхбатында заңгер Нұра Тынысқызы.
