Аудан әкімі қоластындағыларды християндардың діни рәсімін орындау үшін суға шомылуға шақырған

Павлодар ауданының әкімі Александр Бабенко ауыдан әкімдігінің қызметкерлері мен ауылдық округ әкімдерін 19 қаңтар күні християндардың діни рәсімін орындау үшін бірге суға шомылуға шақырды, деп хабарлайды pavlodarnews.kz тілшісі.

- Ойық мұзға шомылу адамға жақсы көңіл-күй сыйлайды. Дененің барлық организмі күшейіп, энергиясы артады. Осындай діни рәсім кезінде ауарайдың суықтығына қарамастан суға шомылып, содан суық тиіпті дегенді әлі естімедім. Керісінше, бұдан кейін көп уақыт ауырмайсыз, - дейді Александр Бабенко.

Айта кету керек, Павлодар ауданында қазіргі таңда 160 адам мемлекеттік қызмет саласында жұмыс істейді. Өзінің діни наным-сеніміне өзгелерді де шақыратандарды "миссионерлер" деп атайды. Біздің шенеуніктер корпусында миссионерлер де бар болып шықты солайша.