«Ақ жол»: басты бағытымыз отандық өндірісті қолдау

Үгіт-насихат шаралары аясында «Ақ жол» партиясының жетекшісі А.Перуашев және Республикалық сайлауалды штаб мүшелері Қ.Иса, Е.Барлыбаев, Б.Дүйсембинов, Р.Арынғазиндер Павлодар облысында еліміздегі сүт өнімдері саласындағы жетекші кәсіпорынның бірі – «ФудМастер» компаниясының еңбек ұжымымен кездесті. Кездесу барысында Азат Перуашев «Ақ жол» партиясының бағ­дарламасымен қысқаша таныс­тырып, сайлауалды бағдарла­мадағы басты бағыттар мен басым­дылықтарға тоқталды. Өз сөзінде ол:«партия бағдарламасының негізгі басымдылықтары – отан­дық өндірушілерді қолдап, қазақстандық өнімнің ішкі және сыртқы нарықтағы бәсекеге қаблеттілігін арттыру» деді. Сонымен қатар «Мемлекет пен бизнестің басты жауы – жемқорлық. Жемқорлардың құлқынынан Қазақстаннан шетелге кеткен халықтың миллиардтаған қаражатын қайтаруымыз керек» деп атап көрсетті.Кездесуге жиналғандар зейнетақы қоры, ақылы медицина, білім беру саласы бойынша сауалдар қойды. Кездесу соңында кәсіпорын ұжымы «ақжолдықтарды» өз­дерінің сүт өнімдерінен дәм тат­қызды. Одан кейін А.Перуашев пен Республикалық сайлау штабының мүшелері Павлодар «Мұнайхимия» зауытының ұжымымен кездесті. "Қазақ үні" газеті Мақалалардың жариялану ақысы «Ақ жол» партиясының сайлау қорынан төленді.