Ислам Әбіш: 3 жыл ішінде 200 мыңнан астам отбасыны тұрғын үймен қамтамасыз етуге болады

2019 ж. 01 тамыз

4124

32

№2 ҮНДЕУ 

3 жыл ішінде кезекте тұрған 200 мыңнан астам отбасыны тұрғын үймен қамтамасыз етуге болады.

Индустрия және инфрақұрылымдық даму министрлігінің 2019 жылғы 6 мамырдағы деректеріне сәйкес (ҚР Премьер-Министрінің ресми сайты) 2019 жылғы 1 қаңтардағы жағдай бойынша тұрғын үй алу кезегінде 487 мың отбасы тұр, олардың ішінде 220 мың отбасы халықтың әлеуметтік осал топтарына жатады,  31,7 мыңы - көп балалы отбасы. Кезекте тұрғандар үшін 7 жыл ішінде 46 мың пәтер салынады.  Кезекте тұрған қалған 441 мың отбасы, о.і. 174 мың әлеуметтік осал отбасы пәтерді қашан алатыны белгісіз, бұл туралы ештеңе айтылмаған. Төмендегі кестеде бюджеттен қандай қаражат бөлінетіні көрсетілген.  
№ Қаржы не үшін бөлінеді Қаржы қанша жыл бөлінеді Бір жылға (млрд.теңге) Барлығы (млрд.теңге)
1   Жалға берілетін тұрғын үй салуға     7   50   350
2   ТҚЖБ арқылы несиеге тұрғын үй     3   50   150
3   Әкімдіктердің тұрғын үй сертификаттары     5   17   85
4   Ауылдық елді мекендерді ауыз сумен жабдықтау     7   240   1400
5   Жергілікті автомобиль жолдарын жөндеу     7   200   1400
6   Салынып жатқан тұрғын үйлік алаптарға инженерлік коммуникациялық инфрақұрылымды жүргізу   7   100   700
      657,0     4365,0  
  Жыл сайынғы бюджет шығыны 657,0 млрд.теңгені, барлығы 7 жыл ішінде 4 триллион 365,0 млрд. теңгені құрайды.   Не жасалады?  
  1. 46,0 мың пәтер салынады.
 
  1. Ауылдық елді мекендерді ауыз сумен
100 пайыз қамтамасыз ету.  
  1. 5000,0 км жергілікті жол жөнделеді,
бұл барлық жергілікті жолдардың 95%-ын құрайды.  
  1. Салынып жатқан тұрғын үйлік алаптарға инженерлік
коммуникациялық желілер тартылады.   Біздің есептеуіміз бойынша жоғарыда көрсетілген жұмыс көлеміне кететін нақты шығын 1,0 трлн. теңгеден аспайтын болады. Қалған 3 триллион 365 миллиард теңге артық жоспарланған қаражат

Біздің ұсынатынымыз!

 
  1. 5 жылдың ішінде осы мақсатқа 1,4 трлн.теңге жұмсап, барлық кезекте тұрған 487,0 мың отбасыны пәтермен қамтамасыз ету.
Алғашқы 3 жылда халықтың әлеуметтік осал топтарына жататын 220 мың отбасыны қамтамасыз ету.
  1. 3 жыл ішінде барлық ауылдық елді мекендерді орталықтандырылған ауыз сумен 100 пайыз қамтамасыз ету, шығын көлемі - 320,0 млрд теңге.
  2. 3 жылда 5000,0 км жергілікті автомобиль жолдарын жөндеу,
шығыны - 300,0 млрдтеңге.
  1. 5 жылда салынып жатқан барлық тұрғын үйлік алаптарға
инженерлік коммуникациялық инфрақұрылым жүргізу, шығыны - 600,0 млрд.теңге.   Үнем 1 триллион 745  млрд теңгені құрайды, оны басқа мәселелерді шешуге жіберуге болады. Бұл - бюджет шығынының тек төрт бағыты бойынша ғана табылған резервтер. Бюджет шығынының көптеген басқа түрі бойынша, әсіресе үлкен жобалар бойынша, едәуір резервтерді іздестіріп, табуға болады. Біз есебіміздің нақтылығын оңай дәлелдей аламыз. Келесі мақалада біз ұсыныстарымыздың ірілендірілген есептерін жариялаймыз.   Бастамашыл  топтың жетекшісі  ISLAM  ÁBISH