Дариға Назарбаева дәріханаларда есірткінің еркін сатылып жатқанын айтты

Сенатор Дариға Назарбаева өзінің депутаттық сауалында дәрі-дәрмектерді сатумен және есірткі заттарын еркін сатумен айналысатын сыбайлас жемқорлықты жою мақсатында Денсаулық сақтау министрлігінің қандай шаралар қабылдағаны туралы сұрады, - деп хабарлайды stan.kz.

Палатаның баспасөз қызметінің мәліметінше, сенатор қазақстандық дәріханаларда 14-18 жас аралығындағы жастар есірткі сияқты әрекет ететін қуатты препарат «Трамадолды» еркін сатып ала алады деп атап өтті.

Наркологтардың пікірінше, «Трамадол» есірткі морфиніне ұқсас, Ол адамды масайтады. Адамның миын өзгерістерге ұшыратып, бауырды бұзады.

Дариға НазарбаеваДенсаулық сақтау министрлігі басшысының тегін таратылатын дәрі-дәрмектің 40% ақылы негізде сатылатындығын мойындағанын еске алды.

«Фармацевтер дәрі-дәрмекті өз білгенінше сатады. Соның ішінде күшті дәрілерді де сатады», – деді Назарбаева.

Билік дəріханаларды бақылай алмайды, өйткені олар шағын жəне орта бизнеске жатады.

Жоғарғы палатаның депутаты жоспарлы және жоспардан тыс тексерулерден қорғалған кәсіпкерлердің тізімін қайта қарауға және одан фармацевтерді алып тастауға уақыт келді деп санайды. Сонымен қатар, депутат фармацевтер мен дәріхана иелерінің дәрі-дәрмектерді «тиіссіз» тағайындау және дәрі-дәрмектерді нұсқаулықсыз сатуға тосқауыл қою керек деді. Депутат ол үшін лицензияның күшін жоюға дейінгі ауыр жаза тағайындау керек деген пікір айтты.