СЫБАЙЛАС ЖЕМҚОРЛЫҚПЕН КҮРЕС КҮШЕЙТІЛЕДІ

Алматы қаласының Өңірлік коммуникациялар қызметі алаңында «ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы қаласы бойынша департаментінің бірінші тоқсанды атқарылған жұмыстарының қорытындылары» атты баспасөз конференциясы болып өтті.

ҚР Мемлекеттік қызмет істері және сыбайлас жемқор­лыққа қарсы іс-қимыл агент­тігінің Алматы қаласы бойынша департаментінің есеп беру барысында жемқорлыққа қарсы іс-қимылдың оң динамикасы байқалағаны айтылды. Ағымдағы жылдың 3 айында 46 қылмыстық іс тіркеліпті. 2018 жылдың алғашқы тоқсанында аяқталған қылмыстық істер бойынша 168 млн. теңге мемлекетке қайтарылып, 660 млн. теңге сомасындағы заңсыз алынған мүлік тәркіленген. Ағымдағы жылы Мемле­кеттік қызмет істер Департа­ментінің «Нұр Отан» партия­сының Алматы қалалық филиалы, «Атамекен» кәсіп­кер­лер палатасымен бірлескен мемлекеттік органдарда жемқорлықты алдын-алуға бағытталған ондаған семинар-отырыстары өткізіліпті. Бүгінгі күні сыбайлас жемқорлыққа қарсы күрес алдында екі негізгі міндет тұр. Біріншісі – құқық бұзушылыққа берілетін жаза қағидасының толықталуы мен міндеттелуі. Екіншісі – сыбайлас жемқорлық жөніндегі құқық бұзушылық пен қылмыстың алдын-алу. Біз бұл мәселелерді басқа мемлекеттік органдармен және қоғамдық ұйымдармен тығыз ынтымақтастықта шешуге ниеттіміз дейді құқық қорғаушылар.

Ұлмекен ЛЕСБЕКОВА

qazaquni.kz