Тараз қаласында Қазақ хандығының 550 жылдығына орай ұйымдастырылған бәйгеде Әлинұр Болатұлы Назарбаев баптап қосқан жүйрік аттар көш бастады.

Бұл туралы Today.kz-ке сілтеме жасап NUR.KZ хабарлайды.

Тараздағы «Атшабар» алаңында өткен 21 шақырымдық «Топ бәйгеде» Әлинұр Назарбаевтың екі тұлпары үздіктер қатарына кірді.

Атап айтар болсақ, Әлинұр Назарбаевтың Қозыкүрең жүйрігі «Топ бәйгеде» бірінші болып келіп, 5 миллион теңгені жеңіп алды. Болат Назарбаевтың ұлына тиесілі тағы бір жүйрік Торыат бәйгеде төртінші болып келді.

Сонымен қатар, ұзақ қашықтықтағы Аламан бәйгеге де Болат Назарбаев отбасының жүйрік аттары қатысқан.