Тимур Құлыбаевтың компаниясы "ҚазАзот" АҚ-тағы акцияларының бір бөлігін сатты

Қазақстан қор биржасында "ҚазАзот" АҚ-тың қарапайым акцияларының бір бөлігі сатылды, оның акционерлерінің бірі Тимур Құлыбаевтың бақылауындағы компания болып табылады, деп хабарлайды Zakon.kz

"ҚазАзот" АҚ-тың қарапайым акцияларын сатып алу бойынша мамандандырылған сауда-саттық 2021 жылғы 10 желтоқсанда өтті. Белсенді өтінімдердің көлемі 85 мың қарапайым акцияны құрады. Берілген өтінімдер бойынша орташа белгіленген баға – 824 600 788 858,82 теңге.

"ҚазАзот" АҚ баспасөз қызметі

Сауда-саттық қорытындысы бойынша, акционерлік қоғамның қарапайым акцияларының 85%-ын "Kazakhstan Petrochemicals" ЖШС сатып алды, 15% бұрынғы иесі Бахаридин Аблазимовтың өзінде қалды. Осылайша өз акцияларын "Joint Resources" АҚ (100% Тимур Құлыбаевқа тиесілі), Дінмұхамед Ыдырысов пен Ержан Достыбаев сатты.

Сонымен қатар, өткен жылдың желтоқсан айының соңында "ҚазАзот" АҚ Директорлар кеңесінің құрамы өзгерді. Жаңа құрамға мына тұлғалар сайланды: Б.Н. Аблазимов – Директорлар кеңесінің мүшесі, директорлар кеңесінің төрағасы, Р.Р. Аязбаев – Директорлар кеңесінің мүшесі, К.О. Исказиев – Директорлар кеңесінің мүшесі, тәуелсіз директор, К.Н. Ибрашев – Директорлар кеңесінің мүшесі, тәуелсіз директор, А.А.Маулешев – Директорлар кеңесінің мүшесі.

Енгізілген өзгерістерге сәйкес, "ҚазАзот" АҚ Директорлар кеңесі бес адамнан тұрады.