Үш әріптен ЕКІ ҚАТЕ!!! Ұлттық әріптердің бұрмалануы Ұлттық Қауіпсіздікке қатер емес пе?

Менің түсінбей отырғаным, мына фотодағы (1 сурет) Ұлттық Қауіпсіздік Комитеті қызметкерлерінің қызмет куәлігіне неге ҰҚК (Ұлттық Қауіпсіздік Комитеті) емес, ҮКК деп жазылған? Үш әріптен ЕКІ ҚАТЕ!!! Егер орысшасын КНБ деп емес, ҚҢБ деп жазса, не болар еді?!.  Шу болар еді үлкен... Әрине, бұл негізгі куәліктің өзі емес, қаптамасы болса да,  қолдан жасалуы да мүмкін... Ондай оқиғалар  да кездеседі. Өйткені қазақша қатесіз жазылған куәліктер де бар (2 сурет). ҰҚК-нің облыстық  департаменттері куәлік жасайтын фирмалармен келісім жасайды да, оның қатесін ескермей, қызметкерлеріне бере беретіні белгілі. Дәл осы қателігі бар қаптама бірер облыста таратылғаны айтылып жүр... Біздің айтпағымыз, ҰҚК-не қатысты куәлік болғасын, (жасанды болсын, шынайы болсын),    Тәуелсіз Қазақ мемлекетінің төл әліпбиіндегі Ұлттық әріптердің бұрмаланып, қате жазылуы Ұлттық Қауіпсіздікке қатер емес пе? Қазыбек ИСА, qazaquni.kz