АЛАШ ҚОЗҒАЛЫСЫНА АРНАЛҒАН ПӘНДІ ЕНГІЗУ ҰСЫНЫЛДЫ

Парламент Мәжілісінің депутаттары Ерлан Барлыбаев және Берік Дүйсембинов аймақтарға жұмыс сапары аясында сайлаушылармен кездесіп, халықтың тұрмыс-тіршілігімен танысты. «Ақ жол» партиясының халық қалаулылары Семей қаласында орналасқан «Селикат» зауыт басшыларымен кездесіп, өндіріс ошағының жұмысын көріп, зауыт басшылары кәсіп­орынға қатысты мәселелермен ой бөлісті. Келесі кездесуде Семей қалалық кітапханасында зиялы қауым өкілдерінің қатысуымен «Рухани жаңғыру» бағдарламасының аясында атқарылатын істер талқыланды. Б.Дүйсембинов Елбасы­ның ұсынысымен қабылданған бұл бағдар­ламаның Абай елінде Алаш орданың астанасы болған Семей шаһарында қарқынды жүруі қажет екендігін айтты. Е.Барлыбаев өзінің аталары­ның Алаш қозғалысына қатысып, 1937 жылдары репрессия құр­баны болғандығын әңгімеледі. Семей­ліктер атом сынақ палигонына қатысты заңға өзгеріс­тер мен толық­тырулар енгізудін қажеттілігін, Ұлы Абайдың 175 жылдық тойына қатысты Үкімет қаулысының қабылдануын, мектептерде Алаш қозғалысына қатысты арнайы пәннің өтуі туралы ұсыныстарын білдірді.

«Ақ жол» партиясының Шығыс Қазақстан облыстық филиалы

qazaquni.kz