Сауалнама: Тоқаев - Президент болуға лайықты тұлға

 

Елімізде өткізілген сауалнама нәтижесінде сұралғандардың 40% президент болуға үміткерлердің ішінде Қасым-Жомарт Тоқаев үздік үміткер деп санайды. Бұл туралы zakon.kz хабарлады.

Сауалнамаға Нұр-Сұлтан, Алматы, Шымкент және 14 облыс орталықтарының 1813 тұрғыны қатысқан. Олардың  75% әйел болса, 25% ер адамдар. Сауалнама 29-30 наурыз аралығында өткізілген.

Сауалнамаға қатысқандардың көбі Елбасы Н. Назарбаевтың тәуелсіз Қазақстанның өсіп-өркендеуіне қосқан еңбегінің елеулі екенін атап өтті.

Сонымен қатар, сауалнамаға қатысқандардың 40 пайызы президент болуға үміткерлердің ішінде Қасым-Жомарт Тоқаев үздік үміткер деп санайды. Тек сұралғандардың 5% ғана оған скептикалық көзқараста болған.