Астанада жоғалып кеткен студенттен қандай хабар бар?..

Осыдан бірнеше күн бұрын жоғалған астаналық студент әлі табылған жоқ. Оны іздеуге қаланың барлық құқық қорғау саласы жұмылдырылды. Және еріктілер де жас жігіттің аман-сау табылуына бар күштерін жұмсап жатыр. Алайда сабақтан тыс уақытында түрлі мәдени-қоғамдық жұмыстарды басқарып жүретін шоумен жігітті табу мүмкін болмай жатыр.

23 жасар Ерасыл Әубәкіровті іздестіруге әлеуметтік желі қолданушылары да барынша қолдау көрсетуде. Ата-анасының уайымына үн қосқан әлеуметтік желі тұтынушыларының барлығы да алаңдаушылық білдіріп, аман-есен табылуына тілектес екендіктерін жеткізуде.

Біз де Ерасылдың ортамызға қайта оралуын, ешқандай оқыс оқиғаға ұрынбауын тілейміз!

Естеріңізде болса Астана Медициналық университетінің 6 курс студенті 3-ақпанда сағат 18.00-де үйден (Сарыарқа-Сейфуллин) сол жағалауға қарай шығып кетіп, сол күйі оралмаған болатын. Телефоны өшіріліп, емтиханға да келмеген. Үстінде қоңыр-көк күртесі мен қоңыр қалпағы бар. Бойы шамамен 175-180 сантиметр. Салмағы 70-75 келі шамасында, - деп хабарлаған досы:

"Ерасыл - интерн-хирург. Ортасында сыйлы. Жауапты, тәрбиелі адам. Темекі шекпейді. Ешқандай діни ағымдарға қатысы жоқ. Ол қарапайым ғана жақсы адам. Табуға көмектесіңіздер!", - деген болатын.

Ерасылды көрген адам болса, мына телефондарға хабарласуларыңызды сұраймыз: 8(747) 024 81 29 - Әкесі, 8(707) 143 94 25 - Диас есімді досы.

qazaquni.kz