Шахизада той иесінен гонорар орнына аяқ киім алды
2017 ж. 03 маусым
5317
6
Той иесі Шахизадаға гонорардың орнына туфли берген. Әнші өзі күтпеген жағдайдың қалай болғанын Stan.kz тілшісіне әңгімелеп берді.
15 жыл болған бұл аяқ киім әнші үшін қымбат бұйымдарының бірі. Сол кезде «бренд» туфлидің құны 500 доллар болыпты. Дүкенге аяқ киім алу үшін барған Шахизаданы сатушы танып, туфлиді тегін берген көрінеді. Есесіне, тойына 2-3 ән айтуды өтініпті. Шахизада бірден келісімін берген.
«Бұл туфли өте ыңғайлы. Жайлы. 15 жыл болса да еш ескірмеді. Қымбаттың аты қымбат қой. Қымбат дүкенге кіргенімде өз тыңдарманым «мен осы туфлиді сізге сыйлаймын” делді. Мен “қалай сыйлайсыз?” десем, орнына “менің тойыма 2-3 ән айтып берсеңіз болды» деді. Бірден келістім. Өйткені, ақша алсам да осы туфлиді алар едім. Ақша алған мен туфли алғанның еш айырмасы жоқ» дейді Шахизада.
