Таразда «Киелі Қазақстан: Тараз- тарих айнасы» атты ғылыми-тәжірибелік конференция өтті

«Киелі Қазақстан: Тараз-тарих айнасы». Осындай атаумен бүгін Тараз қаласында ғылыми-тәжірибелік конференциясы өтті. Конференцияға белгілі тарихшылар, археологтар, қоғам қайраткерлері мен ұлт зиялылары қатысты,-деп хабарлайды 77news.kz ақпарат агентігінің тілшісі.

 

Іс-шара ұйымдастырушысы — Жамбыл облыстық әкімдігі ішкі саясат басқармасы. Рухани жаңғыру мақаласы аясындағы «Қазақстанның киелі географиясы» бағдарламасына Жамбыл облысынан барлығы 8 нысан енген болатын.

 

«Бүгінде рухани құндылықтардан гөрі материалдық құндылыққа басымдық беретін нарықтық заманда әркім киелі орындардың аңызын біліп, тарихына көз жүгірте отырып рухани қазына алып, рухани баю қажет. Ол үшін біз осы нысандарды жан-жақты насихаттауымыз қажет. Әркім өз аймағының ғана емес, өзге өңірлердің де киелі орындарын, қасиет тұтатын тұлғаларын білу қажет. Сонда ғана біртұтас елдік сана қалыптасады», -деді «Қасиетті Қазақстан» ғылыми-зерттеу орталығының басшысы Берік Әбдіғали.