«Қазақ тіліне» МС Сайлаубекті енгізген автор өзін сынаған халыққа ренішін айтты

29
4129

Күні кеше Назарбаев зияткерлік мектебіне түсуге қажетті тест кітабына енген МС Сайлаубек туралы сұрақ көпшіліктің наразылығын тудырған болатын. Алкогольді ішімдікке тойып алып, түсініксіз тілде ән айтатын атыраулық жігітті авторлар қазақ тілі пәнінің тест сұрақтарына қосып жіберген. Facebook қолданушыларының бірі мұны желіге жариялап, «зияткерлік» деген статусқа сәйкес емес деп жатты.

Бұл туралы Sn.kz хабарлайды.

Оқулықты Серікболсын Дүйсембай мен Қазбек Сағидолда жазған. Кітап 2018 жылы жарық көрген.

Әлеуметтік желілерде аталған жазба мен видеоролик жарияланысымен Серікболсын Дүйсенбай өзінің Facebook-парақшасы арқылы көпшіліктен кешірім сұрап, кітапшадан аталған сұрақты алып тастағанын мәлімдеді. Сондай-ақ, ол өзін сынаған қазақстандықтарға ренжулі кейіп те танытып отыр.

«Талай 100 мың данамен шығып жүрген, ішінде қаншама қателіктер өріп жүрген оқулықтарды да көзіміз көріп жүр. Ал біздің ресми емес, тек емтиханға дайындыққа арналған Қазақ тілінен бар-жоғы 100 дана тесттер жинағының ішіндегі 5-6 жолымыз қаншама балағат, ғайбат сөздерге алып келді. Бірақ, бұл жолдар келесі басылымда ауыстырылып, түзетіліп үлгерген еді. Және бұл тест жинағы ешқандай ресми бекітілмеген, мектеп бағдарламасына енбеген», – деп жазды ол тест кітапшасының авторы.

Сауд Арабиясында оқып жүрген жас жігіт мұндай сыннан кейін туған жерге оралғысы да келмей қалғанын жасырмай айтты.

«Мен бұны ақталу үшін де, мақтану үшін де жазып отырған жоқпын. Тек біздің қоғамның кейбір “белсенділері” мәселенің мән-жайына барып алмай, тек алып-қашпа әңгімеге еріп, жерден жеті қоян тапқандай жарыса бөлісе кететінінен Әлем көшіне ілесудің ауылы алыс па деп қалдым. Титтей “қателігі” үшін Өз ұлын өзегінен тепкендей көрінген елге енді оралғың да келмей қалады екен. Елден кешірім сұрадым», – деді Серікболсын Дүйсембай.

29 ПІКІРЛЕР

  1. Серікболсын-ау, кімге өкпелеп отырсың «Көшке берген тайлағыңды ал», халықпен санас, сен ешкімнен үлкен емессің, қателігіңді айтты айтса, елге бармай қоямын, деп кімді қорқытып отырсың, бізге емес, әке-шешеңе, бауырларыңа керексің, еліңді, жұртыңды сатып, «түйені түгімен жұтып» кеткендер қаншама, сен олардың қасында кімсің, солардың пешкасының бірі болып қаласыңда, елге келмесең.Ал, өзің ойлашы, Сайлаубек кім, қарап отырып суретінен қорқасың,
    тестке енгізбек түгілі….

  2. Ей, айналайын Серікболсынжан, ,,Құл – қашамын,, деп қорқытады деген сөз бар. Ал сен ,,Шетелде қалып қоямын,, деп кімді қорқытқың келіп тұр. Шетелде қалып жатқандардың алды-арты сен емессің. Қашқын-пысқын, ұры-қары, жемқор-парақордың көпшілігі (Мүмкін іштерінде бейкүнәлары да бар шығар) қашып шетелдер де жүрген жоқ па? ,,Шетелге қашамын, шетелде қалып қоямын,, деген сияқты жауыр болған сөздерге қазір халықтың ,,қылшығы,, да қисаймайды. Тіпті елеңдемейді де. Себебі, халықтың құлағы үйренген. Екіншіден, ,,Басқалар да қатесі быжынаған кітаптар шығарып жатыр ғой,, деп өз осалдығыңды өзгелерден іздегің келеді. Олар да сен сияқтылар шығар. Соларға еріп, былыққа шылық қосқың келді ме? Тағы халыққа өкпелейсің. Халық – құдайдан кейінгі. ,,Көпке күл шашпа – көмусіз қаласың,, деген сөзді естімеп пе едің? Әуелден аяғыңды аңдап бас. Қарабастың қамын емес, халықтың пікірмен есептес. Әйтпесе, елдің тұнығын ылайлама!

  3. Осындай əдістемеден алыс адамдарға оқу құралын жазуды кім тапсырған, оның жазғанын кім тексерген, қай жерде бекітілген. Осы «крутой» мектепте талай ұқсас оқу материалдар ұсынылып келе жатыр. Ол не десеңіз, біздің мектеп сондай ерекше, халықаралық деңгейде оқытамыз, ұнамаса, балаңды басқа мектепке ауыстырып ал. Бұл жерде жай бала оқи алмайды дейді.

  4. Иә, сатқындық деген осы. Керек едің келмей-ақ қой сол Арабыңнан. Қиын қыстау кезде осындайлар елдісатып кете береді.

  5. Арабиядан келмегені де дұрыс. Ертең бұдан да бетер борат дегендерді мақтап жазып жүрер.

  6. Кінәнің де,күнәнің де үлкен кішісі болмайды,кішкентай кемшіліктер үлкен қателіктерге апарарын ұқса екен.

  7. Баян Есентаева аздай енді Сайлаубек деген пәле шықты ма? Ой, АЛЛАҺЫМ, мына заман не боп кетті өзі?!

  8. саган тест жазуга руксат бергендер акымак. артына кармай жазгыштар кобеип барады, анкау елге арамза молдалар, елдин тубине акыры сендер жетесиндер

  9. сен келмесен биреудин бир жери кисая ма? саган тест жазуга руксат бергендер акымак. артына кармай жазгыштар кобеип барады, анкау елге арамза молдалар, елдин тубине акыры сендер жетесиндер

  10. осы бәлені көрсетпеңдерші құрметі редаксия жәні арналарданда қандаи үлгі алады бұндайдан ұиалсаң етті №№№

  11. Өте орынды, Сайлаубектен кандай тәлім тәрбие береді жас ұрпаққа, соны ойлауға ақылы жетпегені ме, алде калай?

  12. Араққа тойып алып аузына келгенін отайтын əнші сымақ жайлы сұрақ.Тестке сұрақ жазғандардың өздері сауатсыз надан болып тұр ғой.далбаса

  13. Сайлаубектің қазақ тіліне қатысы қандай, оның айтатыны шетел тілінде ғой. Шмана-мана, вана-мана бұл қай тілінде еді))))

  14. Оның орнына МУСА алейссаламға кесене салдырған БЕЙБАРЫС бабамызды насихатта. Мс Сайлаубекті жазғанша..сонда бәрі разы болар еді

  15. Түсініксіз !сауатты адам не жазып келешек ұрпаққа не үирету керек екенін ұғып ,білу керек қои.Көшедегі алқаш ,сөзі түсініксіз адамды үлгі қылғаныма?Елге өкпелі! Ақталатын ештеңе таппағаны ма?келмесін келгісі келмесе……

  16. Нағыз қазақ батыры ғой шіркін сайлекең просто көреалмайтындар көп. Бос келмең қазақтың қайсар батыры.

  17. Халыктын туныгын ЛАЙЛАМА – БЫЛГАМА тынышына журсен сенде ешкымнын шаруасы болмайды. Карашы озын ренжып калыпты, Халыкка кымсын сен ары- берыден сон.Оданда алдагы жарымжан былымынды дурыстап ал. Горе ты КАЗАКСКОЙ НАЦИЙ .

Пікір жазу

Пікіріңізді енгізіңіз!
мұнда сіздің атыңызды енгізіңіз