Қазақстан түрмедегі қылмыскерлер саны ең көп 50 елдің тізімінде қалды

Биыл Қазақстан түрмедегі адам саны бойынша ең көп елдер тізімінде 220 елдің арасындағы есеп бойынша былтырғы 48-орнында қалды. Бұл туралы ақпанның 5-інде Халықаралық түрме реформасы (PRI) ұйымы хабарлады, - деп жазды Азаттық.

"2014 жылы түрмеде отырғандардың санын қысқартуға бағытталған реформалар жасаған Қазақстан биыл кемінде елуінші орынға түсетіні күтілген" деп PRI баяндамасында жазылған.

Түрме адам саны бойынша әлемдік тізімнің қосымша индексінде Қазақстанға қатысты өзгеріс байқалған. Бұл қосымша есеп бойынша, жүз мың тұрғынға шаққанда 194 түрме жазасын өтеушісі бар Қазақстан 2018 жылы 71-орында екен.

Алты жарым миллион халқы бар көршілес Қырғызстан он мың бес жүз жаза өтеуші санымен тізімде 92-орында. Қырғызстан бұл деңгейімен Жаңа Зеландия және Нидерландпен қатар. Ал Қазақстан түрмедегі адам саны бойынша Түркіменстан, Чили, Беларусь және Танзаниямен бір бестікте тұр.